د هلمند ولایت له سرې میاشتې څانګې څخه د سرې میاشتې د مرستیال لیدنه وکړه!
د افغاني سرې میاشتي ټولني مرستیال الحاج ملا نورالدین ترابي او ورسره مل پلاوي د هلمند ولایت د سرې میاشتې د اداري چارو د تنظیم او ستونزو د حل په اړه د روان ۱۴۰۰ لمریزکال دلړم میاشتې پر ۱۶ مه نېټه چې د ۱۴۴۳ قمري کال د ربیع الثاني له لومړۍ نېټې سره سمون لري د هلمند سرې میاشتي ټولنې نمایندګۍ ريیس او اړوندو څانګو مسولینو په ګډون غونډه ترسره کړه.
غونډه د قرآن کریم په څو مبارکو آیاتونو سره پیل شوه.
دغونډې په پیل کې د افغاني سرې میاشتې ټولنې مرستیال الحاج ملا نورالدین ترابي خپله ارزښتناکه وینا وړاندې کړه او ویې ویل چې د افغاني سرې میاشتې ټولنې هغه املاکات چې د زور واکانو له خوا په جبر او زور نیول شوي او یایې په کم لګښت سره په کرایه نیولي او ملي تولنې ته يې ستونزې جوړې کړي دي، موږ به نوموړو ستونزو ته ژر تر ژره د حل لارې پیدا کړو او پرې د خپل واک تر راوستلو وروسته به یې په مناسبه بیه په کرایه ورکړو ترڅو وکولای شو د ملي ټولنې زېرمې پیاوړې او د هېواد والو ښه لاسنیوی وکړو.
نوموړي وویل چې د اداري چارو په تنظیم کې به د سروې لپاره د کارکونکو ترڅنګ رضاکاران هم ټاکو ترڅو خپلې مرستې هغو مستحقو کسانو ته چې غريب وي ورسوو.
محترم ترابي صاحب د مرستو د جذب په اړه وویل چې دمګړۍ د یو شمېر هېوادونو او مماثلو ملي ټولنو له لوري افغاني سرې میاشتې تولنې سره یوه اندازه خوراکي او غیر خوراکي توکو مرستې شوي او لاهم جریان لري، د احتیاط په خاطرهغه کورنۍ چې د سیلابونو او نورو ستونزو له کبله بې ځایه شي د هغوی د حفاظت او لاسنیوي په موخه غیرخوراکې توکي موجود دي او د اړتیا په وخت کې به يې لاسنیوی کوو.
محترم ترابي صاحب د غونډي په پای کې د مدیرانو او مسلکي مامورینو مشکلات واوریدل او د حل لپاره یې لارښوونې هم وکړي.
