د نړۍوال فدراسیون-اسیا پاسېفیک حوزې مشر او هېواد کې د یاد فدراسیون مسؤل د کډوالو او اړمنو هېوادوالو د لاسنیوي ژمنه وکړه
شنبه، ۲۲ صَفَر ۱۴۴۷
پنجشنبه ناوخته، د افغاني سرې میاشتې عمومي رئیس ښاغلي شیخ الحدیث شهاب الدین دلاور د نړۍوال فدراسیون د آسیا ـ پاسېفیک حوزې له مسئول ښاغلي الکساندر مېتیو او په افغانستان کې د ملي ټولنو د نړۍوال فدراسیون له مشر ښاغلي سامي الفخوري سره د همغږۍ په موخه آنلاین ناسته وکړه.
ناسته کې ښاغلي دلاور د کډوالو او اړمنو کورنیو د وضعیت د ښه کولو لپاره د نړیوالو مرستو پر پراختیا ټینګار وکړ او زیاته یې کړه، چې افغاني سره میاشت دې برخه کې د هر ډول اسانتیاوو برابرولو ته چمتو ده.
دا راز د نړۍوال فدراسیون او آسیا پاسېفیک حوزې مسئولینو ډاډ وړاندې کړ، چې د کډوالو او اړمنو کورنیو د اړتیاوو پوره کولو برخه کې به د افغاني سرې میاشتې ملاتړ ته دوام ورکړي.
