د افغاني سرې میاشتې ټولنې، د سره صلیب د نړیوالې کمیټې او د ملې ټولنو د نړیوال فدراسیون ترمنځ د غورځنګ د همغږۍ هوکړه لیک!
د مرستو او همغږۍ دری اړخیزه هوکړه لیک د افغاني سرې میاشتې ټولنې د سکرترجنرالې آغلې ډاکترنیلاب مبارز، په افغانستان کې د سره صلیب د نړیوالې کمیټې د رئیس ښاغلي خوان پیدرو او په کابل کې د سره صليب او سرې میاشتې د نړيوال فدراسیون د مشر ښاغلي پیرکریمر له لوري د یادو ادارو د لوړ پوړو چارواکو په حضور کې؛ نن سې شنبه د روان ۱۳۹۹ کال د کب پر ۱۲ نیټه لاسلیک شو. چې ورپسې د مرستو او همغږۍ کاري چارچوکاټ هم د افغاني سرې میاشتې ټولنې او نړیوال سره صلیب د مسؤلینو له لوري لاسلیک شو.
د افغاني سرې مياشتې ټولنې سکرترجنرالې آغلې ډاکټر نیلاب مبارز په خپلو خبرو کې وویل:« د افغاني سرې میاشتې ټولنه د هغه باور پر مټ چې د کورنیو ښکیلو لوریو په منځ کې یې ترلاسه کړی دی، هر کال د هیواد په څلوردیرش ولایتونو کې د رضاکارانو، روغتیایي مرکزونو او استازولیو له لارې د هیواد یو لوی شمېر وګړو ته خپل بشرپاله خدمتونه وړاندې کوي او د هیواد په لرې پرتو سیمو کې د طبیعي او غیر طبیعي پیښو زیانمنو ته بشرپاله مرستې رسوي».
په پای کې د افغاني سرې میاشتې ټولنې سکرترجنرالې آغلې ډاکتر نیلاب مبارز، په افغانستان کې د نړویوال سره صلیب او د ملي ټولنې د نړیوال فدراسیون د رئسانو له لوري د رسنیو پوښتونو ته ځوابونه او مالومات ورکړل شول.
