د افغاني سرې میاشتې سرپرست عمومي رئيس په افغانستان کې د نړیوال فدراسیون له مسئول سره وکتل!
د افغاني سرې میاشتې سرپرست عمومي رئيس په افغانستان کې د نړیوال فدراسیون له مسئول سره وکتل!
نن چهارشنبه د رمضان میاشتې پر ۵ مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن ددې خیریه ملي ټولنې په مرکزي دفتر کې په افغانستان کې د نړیوال فدراسیون له سرپرست مسئول ښاغلي احمد سلیمان سره بهرنيو هېوادونو ته د ترسره کېدونکو سفرونو او له بهر څخه د بشري مرستو راجلبولو په موخه ناسته وکړه.
ناسته کې سرپرست عمومي رئيس ښاغلي احمد سلیمان ته ښه راغلاست ووایه او له افغاني سرې میاشتې ټولنې سره یې د نړیوال فدراسیون د دوامداره مرستو او همغږۍ ستاینه وکړه.
ورپسې په افغانستان کې د نړیوال فدراسیون سرپرست مسئول د افغاني سرې میاشتې سرپرست عمومي رئیس او د نوموړي مرستیال ته نږدې ورځو کې قطر هېواد او له هغه وروسته جنیوا ته د پلان شویو سفرونو او هلته د بېلابېلو بهرنيو هېوادونو د سفارتونو له مسئولینو سره د ناستو برابرولو په هکله لازم معلومات وړاندې کړل.
