پکتیا!
د افغاني سرې میاشتې ټولنه د هېواد په کچه په لسګونه ګرځنده روغتیایي ټيمونه لري چې د هېواد لرې پرتو سیمو کې بېوﺯلو وګړو ته په وړيا ډول روغتیايي خدمات وړاندې کوي. . همدارنګه يي ۱۲۸ ټپیانو ته لازم روغتيايي خدمات او پانسمان او ۲۰۰ تنو ته زرقیات تطبيق کړي دي. پکتیا ولایت د سرې میاشتې نمایندګۍ ګرځنده روغتیایي ټيم، د میاشتني کاري پلان له مخې په ۲۰ ورځو کې، د زرمت ولسوالۍ اړوند دولت خان، ملایان، سکوي، پاینده خیل، زرغون ښار، سلیمانځي او سپین رګی کلیو کې ۱۲۲۶ ناروغان په وړيا ډول تداوي او درملنه کړې. د یاد ګرځنده روغتیایي ټيم قابلې هم ۵۶ تنو مېرمنو ته روغتيايي خدمات ترسره کړي او په وړیا ډول يي درمل هم ورکړي. د یادونې وړ ده چې یاد ټيم د یوې میاشتې په ترڅ کې ۵۵۵ تنو ته د روغتيا اړوند عامه پوهاوى هم ترسره کړى.
