افغاني سرې مياشتې د واليبال لوبډلې د ليګ برتر واليبال په سياليو کې د هيواد په کچه دريم مقام خپل کړ!
افغاني سره میاشت تل هڅه کوي، چې هېوادوالو ته د روﺯنې او هوساينې فرصتونه برابر کړي؛ په همدې موخه یې د هېواد په ۳۴ ولایتونو کې د ځوانانو او رضاکانو لپاره ښوونیز مرکزونه رامنځته کړي،چې په یادو مرکزونو کې هرکال زرګونه تنکي ځوانان په زده کړو او ورزشي فعالیتونو بوخت دي. چې له نيکه مرغه په دي ترڅ کې د ليګ برتر واليبال سيالۍ چې د هيواد په کچه په لار اچول شوې وې او په لسګونه لوبډلو پکې د هيواد د ګوډ ګوډ څخه ګډون کړى وو،په پايله کې د افغاني سرې مېاشتې د واليبال لوبډلې وکولاى شول چې د هيواد په کچه دريم مقام ترلاسه کړي چې دا د افغاني سرې مياشتې لپاره يو لوى وياړ او لاسته راوړنه ده.
همدارنګه ددې سياليو د غوره دفاع کوونکي لقب هم دافغاني سرې مياشتې لوبغاړى قارې صيب عادل شاه خپل کړى.د يادونې وړ ده چې دوه اونۍ مخکې دافغانې سرې مياشتې درې تنه د ټيبل ټينس لوبغاړو د هيواد په کچه دټيبل ټينس ملي ټيم ته لاره موندلې وه.
