پروان

پروان کې وروستیو سیلابونو اړولي زیانونه:

د افغاني سرې میاشتې پینځه ورځنۍ سروې ښیي، چې د پروان ولایت د سیاګرد ولسوالۍ په پندقستان، یخ درې او خېشکو درو کې وروستیو سیلابونو ۱۳ تنه شهیدان کړي، ۷ تنه ټپیان دي، ٦٨ کورونه بشپړ او ٢٣٩ کورونه نیمه ړنګ شوي، ٤٠ کيلو متره سرکونه، ١٠٠ ‏سربندونه، ١٢ پلچکونه، ٢١ پلونه، ١١ ژرندې، ٥٦ دوکانونه، ١٢٠ څاروي، ٢٢٠٠٠ ونې او ١٧٠٠ جريبه کرنیزه ځمکه له منځه تللي. په ټوله کې د سياه ګرد په ولسوالۍ کې ٤٥٠ کورنۍ د سېلابونو له امله زيانمنې شوي.

همدا ډول د شينوارو ولسوالۍ په تيکمر، تى کلا، خاک سنګو، ښېوه، اب خانه، اشتر شهر، ‏سرخ سنګ، درازګرد، دهن استامه او ابګرد کليو کې ۵ تنه شهیدان شوي، ۹ تنه ټپیان دي، ١١٥ کورونه بشپړ او ٦٣ کورونه نیمه ویجاړ شوي، ٣٠ کيلو متره عمومي سرکونه، ١٢ کيلو متره فرعي سرکونه، ٥٠ سربندونه، ٦٠ واړه پلونه، ٣ستر پلونه، ٢٤ پلچکونه، ٢ ژرندې، ٣٠ دوکانونه، ٥٠٠ څاروي، ٢ مسجدونه، ۱۰۰۰۰۰ ‏میوه دارې ونې، شاوخوا ١٠٠٠ جريبه کرنیزه ځمکې ویجاړه شوي او ټولټال ٤٥٠ کورنۍ زيانمنې شوي.