د افغاني سرې میاشتې سرپرست عمومي رئیس د پکتیکا ولایت په ګیان ولسوالۍ کې په یو شمېر زلزله ځپلو کلیو وګرځېد او د زلزلې له امله د نړیدلو کورونو ارزونه یې له نېږدې وکړه!
د افغاني سرې میاشتې سرپرست عمومي رئیس ښاغلي مولوي مطیع الحق خالص د پکتیکا ولایت په ګیان ولسوالۍ کې په یو شمېر زلزله ځپلو کلیو وګرځېد او د زلزلې له امله د نړیدلو کورونو ارزونه یې له نېږدې وکړه.
نوموړي د نړیدلو کورونو د لیدنې پر مهال زیانمنو ته ډاډ ورکړ، چې دوی به د حکومت له څو ارګانونو سره په ګډه د کورونو د جوړښت په اړه لاس په کار شي.
ښاغلي مولوي مطیع الحق خالص د زلزله ځپلو کورونو د لیدنې پر مهال له هغې یتیمې ماشومې سره لس زره افغانۍ نغدي مرسته هم وکړه، چې د کورنۍ نهه تنه یې شهیدان شوي وو او نوموړې په ټوله کورنۍ کې یوازې پاتې ده.
