پنجشیر ولایت کې د افغاني سرې میاشتې له لوري یو باب فرعي کلینیک ګټې اخیستنې ته وسپارل شو!
د پنجشیر ولایت په شُتل ولسوالۍ کې د افغاني سرې میاشتې له لورې د ناروې د سره صلیب په مالي ملاتړ یو باب فرعي کلینیک د افغاني سرې میاشتې د روغتیا د رئیس ډاکټر محمد سلیم بهرمند او د ناروې د سره صلیب د استازي په شتون کې د روغتیایي خدمتونو په موخه د بېوزله هېواد والو پرمخ پرانیستل شو. یاد کلینیک د روغتیا وزارت له سټنډردونو سره سم جوړ شوی، چې ورسره به د یادې ولسوالۍ د روغتیا په برخه کې شته ستونزې کمې او ځایي خلک به لومړني اساسي روغتیایي خدماتو ته لاسرسی ولري.
