د افغاني سرې میاشتې ټولنې سرپرست مرستیال په کابل کې د نړیوال فدرېشن له رییس سره وکتل!
نن یکشنبه د روان ۱۴۴۳ کال د روژې مبارکې میاشتې پر ۱۶ مه نېټه د افغاني سرې میاشتې مرستیال ملانورالدین ترابي په کابل کې د نړیوال فدریشن له رییس ښاغلي نیسفور سره په خپل کاري دفتر کې لیدنه ترسره کړه.
په دې لیدنه کې د افغاني سرې میاشتې او نړیوال فدریشن د کړنو او لا غوره همغږۍ په اړه خبرې وشوې، چې د افغاني سرې میاشتې مرستیال ملانورالدین ترابي د سرې میاشتې د کړنو د پراختیا او اړتیاوو په اړه مالومات وړاندې کړل.
نوموړي وویل، افغاني سرې میاشتې ټولنې په اووه زونونو کې اووه مرستونونه جوړ کړي، په هر مرستون کې شاوخوا ۱۰۰۰ تنه کونډې، یتیمان او معلول وکړي ساتل کېږي، چې ټولې آسانتیاوې ورته چمتو شوې دي. همدارنګه د پېښو پېښځپلو ته رسېدنه هم د سرې میاشتې مسوولیت ګنل کېږي، سره میاشت کوښښ کوي ترڅو د وکړو اړتیاوې، چې تېر ته په کتو ډېرې لېدل کېږي حل کړي.
ورپسې د نړیوال فدراسیون رییس ښاغلي نیسفور وویل، د سرومیاشتو نړیوال فدریشن له افغاني سرې میاشتې سره په همغږۍ کوښښ کوي تر څو د اړمنو د ستونزو د هواري په موخه مرستې پیل او د مرستو د بهیر د کړندیتوب لپاره د افغاني سرې میاشتې د کار کوونکو ظرفیت لوړ کړي.
