لوگر ولایت کې د افغاني سرې میاشتې ټولنې له لوري ۸۰۰ کورنیو ته مرسته ووېشل شوه!
نن چهارشنبه د روان ۱۴۰۱ لمریز کال د وري پر ۲۴ مه نېټه د افغاني سرې میاشتې ټولنې له لوري د لوګر ولایت برکي برک او څرخ ولسوالیو ۸۰۰ اړمنو او بېوزله کورنیو ته د خوراکي توکو مرسته د افغانې سرې مياشتې ټولنې د لوګر ولایت نماینده ګۍ په انګړ کې ووېشل شوه.
یاده مرسته، چې د ترکیې هيواد د خلکو له لوري چمتو شوې وه؛ هرې کورنۍ ته پکې۳ کيلو ترميده اوړه، ۵ ليتره غوړي، ۴ کيلو عدس، ۵ کيلو لوبيا، ۴ کيلو نخود، ۵ کيلو وريژې، ۴ کيلو مکروني، ۴ کيلو د غنمو وریژې یا ورغستلي، ۴ کيلو منصور دال،۷۵۰ ګرامه مالګه، ۷ کيلو بوره، ۵۰۰ ګرامه آش، ۷۰۰ ګرامه بیسکېت،۱۶۰۰ ګرامه رُب، ۲۰۰ ګرامه د شيدو قهوه او ۳۶۰ ګرامه مربا شامل وو.
