۱۸۰ تنه ځوانان د افغاني سرې میاشتې ټولنې د رضاکارانو په لیکه کې شامل شول!
نن چهارشنبه د رمضان المبارک میاشتې پر ۴ مه ۱۴۴۳ سپوږمیزکال د ۱۴۰۱ لمریزکال د وري میاشتې پر۱۷ مه نېټه ۱۸۰ تنه ژمن ځوانان د رضاکارۍ د ښوونیزې دورې، چې د تیرکال د کب میاشتې له ۱۵ تر۲۱ نېټې یې د بشري ارزښتونو، لومړنیو روغتیایي مرستو او نشراتي زده کړو ورسته پایته رسولې وه نن د افغاني سرې میاشتې ټولنې له لوري ورته تصدیق پاڼې او رضاکارۍ کارتونه ووېشل شول.
کومه غونډه چې د افغاني سرې میاشتې ټولنې په تالار کې جوړه شوې وه، د افغاني سرې میاشتې د عمومي سرپرست رییس ښاغلي مولوي مطیع الحق خالص له لوري رضاکارانو ته د مبارکۍ ترڅنګ هغوی ته د اسلام مبین مبارک دین له نظره د رضاکارۍ په اړه هراړخیزه وینا وکړه او رضاکاري یې د هغوی لپاره یو مسوولیت وبللو همدارنګه د هر یو یې د سرې میاشتې د اووه ګونو اصولو په پام کې نیولو او تبعیض پرته کړنو ته متوجه کړل.
ورپسې د افغاني سرې میاشتې د ټولنې د داخلي تفتیش رییس ښاغلي مولوي محمد نسیم احمدي، د اسلام مبارک دین له نظره د رضاکارۍ ځای تشریح کړ، همدارنګه ورپسې د ځوانانو او رضاکارانو د ریاست سرپرست ښاغلي محمد شفیع جمال د دې ادارې د فعالیتونو په اړه مالومات وړاندې کړل، په پای کې غونډه د تصدیق پاڼو په وېش سره پای ته ورسېد ه.
د یادونې وړ ده، چې نويو رضاکارانو له پخوانیو رضاکارانو سره څنک په څنک د رضاکارۍ د ویاړ د ترلاسه کولو په موخه د مرکزي دفترد چاپیریال د پاکوالي لپاره عمومي حشر( ګډکار) کې ګډون وکړ.
