د افغاني سرې میاشتې ټولنې له لوري د کابل ولایت د سرې میاشتې نماینده ګۍ په انګړ کې د مرستو د وېش دوام!
نن دوشنبه د روان ۱۴۰۱ لمریزکال د وری (حمل) میاشتې پر لومړۍ نېټه د افغاني سرې میاشتې ټولنې له لوري د کابل نماینده ګۍ په انګړ کې د پرونۍ وېشل شوې مرستې پر دوام نن یو ځل بیا د کابل ولایت د بېلابېلو ناحیو ۳۰۰ اړمنو او بېوزله کورنیو ته، چې سروې یې د نماینده ګۍ اړوند کارکوونکو له لوري ترسره شوې وه، د چین هېواد د سره صلیب او افغاني سرې میاشتې څلور قلمه خوراکي او غیر خوراکي توکو مرسته، چې په کې ۵۰ کیلو اوړه، ۵ کیلو بوره، ۲ کیلو مالګه او ۴ چکۍ صابون شامل وو، د کابل نماینده ګۍ د رییس ښاغلي مولوي عبدالله "حماد" کارکوونکو او رضاکارانو په شتون کې ووېشل شوه.
د یادونې وړ ده، چې پاتې ۶۲۵ اړمنو او بېوزله کورنیو ته به یاده مرسته په راتلونکو ورځوکې ووېشل شي.
