هرات ولایت کې د افغاني سرې مياشتې ټولنې له لوري پر ۵۰۰ اړمنو او بېوزله کورنیو د خوراکي توکو مرسته ووېشل شوه!
د یکشنبې په ورځ د ۱۴۰۰ لمریزکال د حوت میاشتې پر ۲۹ نېټه د افغاني سرې میاشتې ټولنې له لوري د هرات ولایت د شینډنډ زیرکوه ولسوالۍ د بېلابېلو کلیو ۵۰۰ اړمنو او بېوزلو کورنیو سره د خوراکي توکو مرسته ترسره شوه.
یاده مرسته چې د ترکیې هېواد له لوري رالېږل شوې وه هرې کورنۍ ته په کې، ۴ کیلو اوړه، ۳ لیټره غوړي، ۹ کیلو وریژې، ۳ کیلو دال، ۱ کیلو بوره، ۱ کیلو لوبیا، ۱ کیلو دال نخود، ۹ پاکټه مکروني، ۱ قوطی روب او یوه کیلو خمیره شامل وو، د هرات ولایت د سرې میاشتې نماینده ګۍ د رییس ښاغلي مولوي فیاض، د ترکیې هېواد استازو، رضاکارانو او اړوندو کارکونکو په شتون کې پر اړمنو کورنیو ووېشل شوه.
