تخار ولايت کې ۷۰۰ اړمنو او بېوزلو کورنيو سره د خوراکی او غیر خوراکي توکو مرسته ترسره شوه!
د افغاني سرې میاشتې ټولنې له لوري د روان ۱۴۰۰ لمریزکال د کب مياشتې پر ۲۸ مه نېټه د تخار ولایت چاه آب ولسوالی د بېلابېلو کليو ۷۰۰ اړمنو او بېوزلو کورنيو سره د خوراکي او غیر خوراکي توکو مرسته ترسره شوه.
په خوراکي توکو کې اوړه، غوړي، وریژې، دال او غیر خوراکي توکو کې یو روغتیایي کیټ شامل وو، د شمال ختیځ زون رییس ښاغلي محمدشفیع هجرت، د تخار د سرې میاشتې نماینده ګۍ رییس ښاغلي عبدالواحد عابدي، کارکوونکو او رضاکارانو په شتون کې ووېشل شول.
د یادونې وړده چې ورته مرستې به په راتلونکو څو ورځو کې د یاد ولایت په شکمش ولسوالۍ کې هم پر اړمنو او بېوزلو کورنیو ووېشل شي.
