هرات؛ ۱۳۹ راستنو شویو کورنیو ته روغتیایي بستې ووېشل شوې
یکشنبه، ۲۸ ربیع الآخر ۱۴۴۸
د افغاني سرې میاشتې له لوري د هرات ښار په شیدایي سیمه کې ۱۳۹ راستنو شویو کورنیو ته روغتیایي بستې ووېشل شوې.
یادې روغتیایي بستې د ملي ټولنو نړیوال فدراسیون، د ډنمارک او د ناروې سره صلیبونو په ملاتړ چمتو شوې وې، چې پکې صابون، شامپو، د اوبو بوشکې، پلاستیکي سطلونه، د ماشومانو د حفظ الصحې توکي او یو شمېر نور اړین توکي شامل وو.
دغه توکي د روغتیایي ستونزو د مخنیوي، د حفظ الصحې د مراعاتولو او له بېلابېلو ناروغیو څخه د ساتنې په موخه پر یادو کورنیو ووېشل شول.
افغاني سره میاشت راستنو شویو کورنیو ته د لومړنیو اړتیاوو د پوره کولو او د هغوی د روغتیايي وضعیت د ښه والي په موخه خپلو بشري مرستو ته دوام ورکوي.
