د المان د سولې کلي خیریه بنسټ له لوري افغاني سرې میاشتې ته ۴٠ زره یورو نغدي مرسته وسپارل شوه
د المان د سولې کلي خیریه بنسټ له لوري افغاني سرې میاشتې ته ۴٠ زره یورو نغدي مرسته وسپارل شوه
نن دوشنبه د جمادي الأولی د میاشتې پر ۹ مه، د المان د سولې کلي مرستندوی بنسټ د مسئولینو ښاغلي ین یسن او آغلې کلوډیا له لوري د افغاني سرې میاشتې مرستیال ښاغلي حافظ عزیز الرحمن ته په افغانستان کې دننه په اور د سخت سوځېدلیو او میکروبي هډوکو پر ناروغۍ د اخته ماشومانو د درملنې په موخه ۴۰ زره یورو نغدې مرسته چې معادل ېې درې ميليونه افغانۍ کېږي، وسپارل شوه.
د یادې نغدي مرستې د سپارولو پر مهال د افغاني سرې میاشتې مرستیال د المان د سولې کلي خیریه بنسټ د اوږد مهاله او دوامداره مرستو د مننې ترڅنګ، د یاد بنسټ بشرپال خدمتونه د اړمنو او ناچاره کورنیو د لاسنیوي په برخه کې موثر او اغیزمن وبلل او د لازیاتو همکاریو غوښتنه يې وکړه.
ورپسې د المان هېواد د سولې کلي خیریه بنسټ د مالي چارو مسئول ښاغلي ین یسن د افغاني سرې میاشتې د خدماتو ستاینه وکړه او زیاته یې کړه، چې د افغان ولس لاسنيوي ته به دوام ورکوي.
https://t.me/ARCSAfghanistan
