د افغاني سرې میاشتې سرپرست عمومي رئيس د پکتیکا ولایت له والي سره وکتل
د افغاني سرې میاشتې سرپرست عمومي رئيس د پکتیکا ولایت له والي سره وکتل
نن د ربیع الآخر د میاشتې پر ۲۳ مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور په خپل کاري دفتر کې د پکتیکا ولایت له والي ښاغلي ملا عبدالخالق سره یاد ولایت کې د خلکو ستونزو ته د رسېدو په پار ناسته ترسره کړه.
ناسته کې ښاغلي دلاور پکتیکا ولایت د طبیعي پېښو له امله یو ځپل شوی ولایت یاد کړ او ددغه ولایت خلک یې خورا بېوزله او اړمن وبلل، نوموړي ژمنه وکړه، چې د پکتیکا ولایت د پېښځپلو او اړمنو به بشپړ لاسنیوى کوي.
ورپسې د پکتیکا ولایت والي د یاد ولایت د خلکو د ستونزو په هکله تفصیلي معلومات وړاندې کړل او د افغاني سرې میاشتې د تېرو مرستو څخه د مننې ترڅنګ یې راتلونکي کې د لا ډېرو مرستو ترسره کولو غوښتنه وکړه.
د یادونې وړ ده چې افغاني سرې میاشتې پکتیکا ولایت کې د طبېعي
پېښو له امله زیانمنو شویو کورنیو ته د سرپناه جوړولو ترڅنګ د اړتیا وړ خوراکي او غیر خوراکي توکو مرستې هم وېشلي دي.
https://t.me/ARCSAfghanistan
