کندهار کې د افغاني سرې میاشتې له لوري ۳۴۲ اړمنو کورنیو ته مرسته ووېشل شوه!
نن د سې شنبې په ورځ د کب پر ۱۷مه د کندهار ولایت د شاه ولي کوټ ولسوالۍ ۳۴۲ اړمنو کورنیو ته د افغاني سرې میاشتې له لوري د خوراکي او غیر خوراکي توکو مرسته ووېشل شوه. یاده مرسته چې د ترکیې هېواد د سرې میاشتې له لوري چمتو شوې وه؛ په کې هرې کورنۍ ته ۵۰ کیلو اوړه، ۵ کیلو غوړي، ۱ کیلو لوبیا، ۵ کیلو نخود، ۵ کیلو بوره، ۲ نیم کیلو مکروني،۲ کیلو دال، ۱ پاکټ آش، ۲ بوتله مربا، ۳ کمپلې، د کوچنيانو ۱ جوړ بوټان، د کوچنیانو ۱ جوړه دستکشې، د کوچنيانو ۱ جوړ جرابې، د سړیو ۱ ژمنی لباس، د کوچنیانو ۳ جوړه ژمنی لباس او د لویانو ۴ جوړه جرابي شاملې دي.
