کندز ولایت کې د افغاني سرې میاشتې ټولنې له لوري ۵۰۰ اړمنو او بېوزله کورنیو سره د خوراکي توکو مرسته ترسره شوه!
نن یک شنبه د روان ۱۴۰۱ لمریزکال د وری (حمل) میاشتې پر ۷ مه نېټه د کندز ولایت د ګورتبه ولسوالۍ بېلابېلو اړمنو او بېوزله کورنیو سره ، چې سروې یې مخکې ترسره شوې وه د افغاني سرې میاشتې ټولنې له لوري د ۸ قلمه خوراکي توکو مرسته، چې د ترکیې هېواد د سرې میاشتې له لوري چمتو شوې وه ووېشل شوه.
په یاده مرسته کې هرې کورنۍ ۵ لیتره غوړي، ۲ کیلووریژې، ۲ کیلو لوبیا، ۷ پاکټه مکروني، ۲ قوطیه رب، ۸ کیلو اوړه ، ۲ کیلو نسک او ۸ کیلو بوره شامله وه او وېشل شوه.
