کندز ولایت کې د افغاني سرې میاشتې ټولنې له لوري پر ۳۰۰ اړمنو کورنیو د خوراکي او غیر خوراکي توکو مرسته ووېشل شوه!
د شنبې په ورځ د روان ۱۴۰۰ لمریزکال د کب میاشتې پر ۱۴ مه نېټه د افغاني سرې میاشتې ټولنې له لوري د کندز ښار د بېلابېلو سیمو بې سرپرسته او اړمنو کورنیو ته د ترکیې هېواد بشرپالو مرستو رالېږل شوي خوراکي او غیر خوراکي توکي، چې په کې ۲۵ کیلو اوړه، ۵ کیلو وريژې، ۷ کیلو دال، ۲ کیلو لوبیا، یو قوطی روب او غیر خوراکي مرسته، چې دوه تختې کمپلې، دوه پطلنونه، یو یخن قاق او یو جاکټ په کې شامل و ووېشل شول.
