کاپیسا ولایت کې د افغاني سرې میاشتې ټولنې له لوري پر ۳۵۰ اړمنو او بېوزلو کورنیو د خوراکي توکو مرسته ووېشل شوه!
د یکشنبې په ورځ د روان ۱۴۰۰ لمریزکال د کب میاشتې پر ۱۵ مه نېټه د کاپیسا ولایت په( اله سای)ولسوالۍ کې ۳۵۰ اړمنو، بې ځایه شویو او طبیعي پېښځپلو کورنیو ته د افغاني سرې میاشتې ټولنې له لوري د خوراکي توکو مرسته، چې په کې ۲۵ کیلو اوړه، ۲۴.۵ کیلو وریژې، ۷ کیلو دال، ۷ کیلو نخود، ۷ کیلو لوبیا، ۱ کیلو چای او ۱۰ لېټره غوړي شامل وو.
یاده مرسته چې د آلمان د سولې کلي له لوري چمتو شوې وه د کاپیسا ولایت د استازولۍ د رییس ښاغلي مطیع الرحمن "ضیا" او اړوندو کارکوونکو او رضاکارانو په شتون کې ووېشل شوه.
