کابل ولایت کې د افغاني سرې میاشتې ټولنې له لوري (۱۲۲۵) سروې شویو اړمنو او بېوزله کورنیو سره د مرستو د وېش لړۍ پای ته ورسېده!
نن شنبه د روان ۱۴۰۱ لمریزکال د وري (حمل) میاشتې پر ۶ مه نېټه د افغاني سرې میاشتې ټولنې له لوري د کابل ولایت د سرې میاشتې نمایندګۍ په انګړ کې د بېلابېلو ناحیو ۳۰۰ اړمنو او بېوزله کورنیو سره د خوراکي او غیر خوراکي توکو مرسته ترسره شوه.
په یاده مرسته کې د چین هېواد د سره صلیب له لوري ۵۰ کیلو اوړه او دافغاني سرې میاشتې ټولنې له لوري ۴ چکۍ صابون، ۵ کیلو بوره او ۲ کیلو مالګه چمتو شوې وو ووېشل شول.
د یادونې وړ ده، چې دا لړۍ د کابل ولایت ۱۲۲۵ اړمنو او بېوزله کورنیو ته د ۱۴۰۰ لمریزکال د کب میاشتې پر ۲۹ مه نېټه د ۳۰۰ کورنیو ته پیل شوې وه، چې همداراز د روان ۱۴۰۱ لمریزکال د وری (حمل) میاشتې پر لومړۍ او دوهمه نېټه هم درې درې سوه کورنیو ته یاده مرسته وېشل شوې وه نن شنبه د پاتې ۳۲۵ کورنیو ته په وېش سره پای ته ورسېده.
