کابل ولایت کې د افغاني سرې میاشتې سرپرست عمومي رییس مولوي مطیع الحق خالص په لاس ۳۰۰ کورنیو ته مرسته ووېشل شوه!
نن دوشنبه د روان ۱۴۴۳ سپوږمیز کال د شوال پر ۹ مه نېټه د افغاني سرې میاشتې ټولنې له لوري د کابل ولایت نماینده ګۍ په انګړ کې ۳۰۰ بېوزلو او اړمنو کورنیو سره د خوراکي توکو مرسته ترسره شوه.
یاده مرسته، چې د ترکيي هيواد له لوري چمتو شوې وه؛ هرې کورنۍ ته پکې ۵۰ کیلو اوړه، ۷ کیلو مکروني، ۲ کیلو بوره، ۱ پاکټ مالګه، ۲ کیلو وریژې، ۲ کیلو دال، ۱ کیلو نخود، ۱ قوطی رُب، ۱ لیتر غوړي، ۱ کیلو لوبیا، ۱ قوطی مربا او ۲ کیلو ترمیده اوړه شامل وو، د افغاني سرې میاشتې ټولنې د سرپرست رییس ښاغلي مولوي مطیع الحق خالص او په افغانستان کې د ترکیې هېواد د سرې میاشتې مرستیال په شتون کې ووېشل شوه.
