کابل، باميان ,کاپيسا, بغلان ,لغمان او ننګرهار!
رضاکارانه خدمتونه د افغاني سرې مياشتې له بنسټيزو اصولو څخه دي، پر همدې بنسټ د افغاني سرې مياشتې د رضاکارانو د ادارې رياست په تېره يوه اونۍ کې په بغلان کې ۵۰ تنه رضاکارانو ته په بېړنيو حالاتو کې پېښځپلو ته د ځواب وينې اړوند ورکشاپ داير کړی،ترڅنګ يې د لغمان ولايت په علينګار ولسوالۍ کې ۱۰۰ تنه بزګرانو ته د ونو کرلو او پالنې اړوند زده کړې ورکړې دي. همدا ډول د افغاني سرې مياشتې رضاکارانو د ننګرهار ولايت په دره نور او کامې ولسوالۍ کې هم ۲۰۰ هېوادوالو ته د پېښو د ګواښونو د کمښ او له ساري ناروغيو د مخنيوي او کابل، باميان او کاپيسا ولايتونو کې ۴۰۰ تنه وګړو ته د افغاني سرې مياشتې د پېژندنې، شخصي او چاپېريالي روغتيا ساتنې اړوند پوهاوی ورکړی دی.
