په دایکندي ولایت کې د افغاني سرې میاشتې له لوري د بیت السلام موسسې په مرسته ۱۵۰۰ کورنیو ته د خوراکي موادو وېش پیل شو!
پرون د یکشنبې په ورځ په ۱۴۰۰/۹/۲۱ نېټه په دایکندي ولایت کې د افغاني سرې میاشتې د ټولنې له لوري ۱۵۰۰ وچکالۍ، جنګ او نورو طبیعي افتونو ځپلو کورنیو ته د اوړو، وریژو او غوړیو د وېش لړۍ پیل شوه. یاد مواد د ملي راډیو تلویزیون، د سرې میاشتې د مرکزي دفتر د غړو او د دایکندي ولایت د سرې میاشتې د ریاست د کارکوونکو په شتون کې، چې د یاد ولایت د کارکوونکو او رضاکارانو له لوري د ولایت د مرکز په کچه سروې او ثبت شوي وو؛ رسماً پیل شوه.
ټاکل شوې د یادو خوراکي موادو وېش به په ۳ ورځو کې ترسره شي او هره ورځ به ۵۰۰ کورنیو ته ورکول کېږي، چې ټولټال ۱۵۰۰ کورنۍ کېږي.
په یادو موادو کې ټولټال ۳۰۰۰۰ کیلو اوړه، ۱۵۰۰۰ کیلو وریژې او ۹۰۰۰ لیتره غوړي دي.
