پر ۱۲۹ بې سرپرسته مېرمنو او په مخدره توکو د روږدو وګړو پر کورنیو د ځان بسیاینې په موخه نغدې پیسې او د هګیو چرګانې ووېشل شوې!
پر ۱۲۹ بې سرپرسته مېرمنو او په مخدره توکو د روږدو وګړو پر کورنیو د ځان بسیاینې په موخه نغدې پیسې او د هګیو چرګانې ووېشل شوې!
نن پنجشنبه د رمضان میاشتې پر ۶مه، د افغاني سرې میاشتې له لوري د برتانیې هېواد د سره صلیب په مالي مرسته مرکزي مرستون کې د کابل ولایت د بېلابېلو ولسواليو او ناحیو پر ۷۹ بې سرپرسته مېرمنو د چرګانو د پېرلو په موخه یو میلیون پنځه سوه اتیا زره افغانۍ نغدي مرسته ووېشل شوه؛ چې هرې کورنۍ ته په کې ۲۰ رزه افغانۍ شاملې وې. باید وویل شي، چې له څه مودې وروسته به د یادو مېرمنو د فعاليتونو تر ارزونې وروسته یو ځل بیا پر هغوی د ملاتړ او لاسنيوي په موخه پنځلس پنځلس زره افغانۍ ووېشل شي.
همدا ډول ددې مرستې سربېره مرکزي مرستون کې ۴۰ بې سرپرسته مېرمنو او ۱۰ په مخدره توکو د روږدو وګړو کورنيو ته هم د افغاني سرې میاشتې په تخنیکي او د سنګاپور هېواد د سره صلیب په مالي مرسته د هګیو ورکوونکې چرګانې ورکړل شوې، چې هرې بې سرپرسته کورنۍ ته په کې۳۴ چرګانې، ۱۵۰ کیلو د چرګانو دانه، ۴ د اوبو څښلو او ۳ د دانې د ورکړې لوازم شامل وو، په پام کې ده د یادې پروژې له لارې په هرات، مزار شریف، کندز، پکتیا او کندهار ولایتونو کې هم بې سرپرسته کورنیو ته د عاید ترلاسه کولو په موخه چرګانې او اړوند وسایل ورکړل شي.
