پروان او غزني ولایتونو کې د رغنیزو چارو د پیلیدو په موخه د داوطلبۍ ناستې وشوې
چهارشنبه، ۱۵ ربیعالآخر ۱۴۴۷
د افغاني سرې میاشتې مرکزي دفتر کې د پروان او غزني ولایتونو لپاره د بېلابېلو رغنیزو پروژو د پلي کولو په موخه د داوطلبۍ ناستې وشوې.
یادې ناستې چې د افغاني سرې میاشتې د تهیې او تدارکاتو آمریت له لوري ترتیب شوې وې، موخه یې د پروان ولایت د نمایندهګۍ او ښوونیز مرکز د بیا رغونې او رنګ سربېره د غزني ولایت د نمایندهګۍ ودانۍ او اړوند مارکیټ لپاره د سیپتیک څاګانو د کېندلو چارې پیلول و.
په داوطلبیو کې ۱۵ ودانیزو او لوژستیکي شرکتونو ګډون درلود، چې د اسنادو تر دقیقې ارزونې وروسته، هغه شرکتونه چې د شرایطو له مخې ګټونکي وګڼل شي، د یادو پروژو د ترسره کولو قراردادونه به ترلاسه کړي.
