پروان او سمنګان کې د پېښو مدیریت شپږ ورځني روزنیز ورکشاپونه پای ته ورسېدل
پنجشنبه، ۲۴ شعبان ۱۴۴۷
د افغاني سرې میاشتې له لوري د پروان او سمنګان ولایتونو په نماینده ګیو کې ۵۰ تنو کارکوونکو او رضاکارانو ته د پېښو مدیریت او د نغدو پیسو لېږد په موخه شپږ ورځني ۲ روزنیز ورکشاپونه په بریالۍ توګه د تصدیق پاڼو په وېشلو پای ته ورسېدل.
په یادو ورکشاپونو کې ګډونوالو ته د بېړنیو حالاتو پر مهال د چټکې او اغېزمنې ځواب وینې، عملي پلان جوړونې، د زیانمنو وګړو د ژغورنې او د نغدو پیسو د خوندي لېږد او شفاف وېش په برخه کې مفصل او هر اړخیز معلومات ورکړل شول.
د دغو ورکشاپونو موخه په ناورینونو او بېړنیو حالاتو کې زیانمنو شوو ته پر وخت، اغېزمن او چټکه توګه د خدمتونو وړاندې کول وو.
