نن د شوال پر ۱۵مه د افغاني سرې میاشتې سرپرست عمومي رییس د افغانستان، ازربایجان او البانیا لپاره د اسلامي پراختیایي بانک له عملیاتي رییس ډاکتر فرید احمد خان سره د افغاني سرې میاشتې د یو لړ څانګو د فعالیتونو د ودې په موخه په کاري دفتر کې ولیدل!
په دې لیدنه کې د افغاني سرې میاشتې سرپرست عمومي رییس د مرستونونو په اړه وویل چې د اړتیا په پرتله د افغاني سرې میاشتې د مرستونونو خدمات محدود دي، خو هوډ لري د مرستونونو له لارې د خدماتو ساحه پراخه کړي، لس زره بېوزلو کورنیو ته میاشتینۍ خرڅه ورکړي
او د مرستونونو مشمولینو ته ښوونیز، روزنیز او حِرفوي خدمتونه پراخ کړي؛ ترڅو وکړای شي خپل بار پر خپلو اوږو یوسي او پر ټولنه بار نه وي.
د اسلامي پراختیايي بانک عملیاتي رییس وویل دوی هڅه کوي په هره ممکنه لاره د افغانانو لاسنیوی وکړي او په کمو امکاناتو سترې ګټه اخیستنې ورته چمتو کړي.
نوموړي وویل دوی علاقه لري له افغاني سرې میاشتې سره د مرستون، روغتیا او خوراکي موادو په برخو کې ډېر زر مرستې وکړي.
