نن بيا هم افغاني سرې میاشتې د سوري زړه په ناروغۍ اخته نور ۷ تنه ماشومان پلازمېنه کابل کې د حاجى امير ﺯاده روغتون ته د عملیاتو او درملنې په موخه ور وپېژندل!
د تېرې یوې میاشتې په ترڅ کې افغاني سرې میاشتې د سوري زړه په ناروغۍ اخته ۱۰۶ ماشومان کابل کې بېلابېلو روغتونو ته ور پېژندلي. د یادونې وړ ده، چې په تېر یو کال کې افغاني سرې میاشتې د سوري زړه په ناروغۍ اخته ۴۷۹ تنه د درملنې په موخه روغتونونو ته ور پېژندلي، چې له جملې یې ۹ تنه له هېواد دباندې لېږل شوي. د یادو ناروغو ماشومانو د مرض وخامت ته په کتو په هر ناروغ له ۷۵۰۰۰ تر ۲۱۰۰۰۰ افغانیو لګښت راځي، چې د افغاني سرې میاشتې له لوري تادیه کېږي.
