میدان!
د میدان وردګو ولایت په جلرېز ولسوالۍ ۵۰۰ سېلاب ځپلو کورنیو ته د خوراکي توکو د ویش په موخه سروې پيل شوه! په یاده ولسوالۍ کې د افغاني سرې میاشتې له لوري له سیلابونو څو ساعته وروسته زیانمنو کورنیو ته د خیمو، کمپلو، ترپالونو، د اوبو د ذخیره کولو د توکو او د پخلنځي د توکو پر ویش سربېره ۳۰۰ زیانمنو کورنیو ته درې ورځې وړاندې د اوړو، وریژو، غوړیو، لوبیا، بورې او یو شمېر نورو خوراکي توکو مرسته هم ویشل شوې ده. سیمې ته د افغاني سرې میاشتې روغتیاپال هم د سیلاب له راتلو څو ساعته وروسته ورسیدل، چې ټپیانو پر لاسنیوي او درملنه سربېره تراوسه روغتیایي خدمات ترسره کوي. ۵۰۰ زیانمنو کورنیو ته د خوراکي توکو ویش به د سروې له بشپړیدو سمدستي وروسته ترسره شي.
