ميدان وردګ ولايت کې څه کم ٧٠٥٠ تنه ناروغانو ته روغتیایي خدمات!
ميدان وردګ ولايت کې څه کم ٧٠٥٠ تنه ناروغانو ته روغتیایي خدمات!
د افغاني سرې میاشتې روغتياپالانو د ميدان وردګ ولايت په بېلابېلو سيمو کې د تېرو ۳۰ ورځو په ترڅ کې ٢١٢٥ تنو ته د کتنې ترڅنګ د اړتیا وړ درمل ورکړي؛ د ٣٦٦ تنو ټپیانو پانسمان، ٥٩٣ مېرمنو او ماشومانو ته د بیلا بیلو ناروغیو د مخنیوي په برخه کې د واکسینونو تطبیق، ٣١٤٠ کسانو ته د روغتیا ساتنې په تړاو اړینې مشورې، ٣٣٣ مېرمنو ته د زیږون په برخه کې خدمات، ٣٣٥ خوارځواکو ماشومانو ته د خوارځواکۍ اړوند خوراکي توکي او ١٥٣ تنو مېرمنو ته يې د کورني تنظیم د چمتووالي په برخه کې لازمې مشورې هم ورکړې دي.
