سرپل ولايت کې ۷۴۰۷ تنه وګړو ته روغتیایي خدمات وړاندې شوي.
سرپل ولايت کې ۷۴۰۷ تنه وګړو ته روغتیایي خدمات وړاندې شوي.
د افغاني سرې مياشتې روغتيايې کار کوونکو د سرپل ولايت په بېلابېلو سيمو کې د تېرې يوې مياشتې په ترڅ کې ۲۶۰۱ تنو ته د کتنې ترڅنګ د اړتیا وړ درمل ورکړي؛ د ۱۳۶ تنو ټپیانو پانسمان، ۱۰۰۹ مېرمنو او ماشومانو ته د بیلا بیلو ناروغیو د مخنیوي په برخه کې د واکسینونو تطبیق، ۲۰۲۶ کسانو ته د روغتیا ساتنې په تړاو اړینې مشورې، ۲۷۷ مېرمنو ته د زیږون په برخه کې خدمات، ۸۷۹ خوارځواکو ماشومانو ته د خوارځواکۍ اړوند خوراکي توکي او ۴۷۹ تنو مېرمنو ته د کورني تنظیم د چمتووالي په برخه کې لازمې مشورې هم ورکړې دي.
