د کونړ زلزله؛ له نړیوالو کاري شریکانو سره د مرستو د مؤثریت په موخه د افغاني سرې میاشتې مشورتي ناسته وشوه
چهارشنبه، ۱۷ ربیع الأول ۱۴۴۷
د افغاني سرې میاشتې عمومي رئیس، ښاغلي شیخ الحدیث شهاب الدین دلاور، په افغانستان کې د آی سي آر سي له مشرې آغلې کترینا رېټز او د ملي ټولنو نړیوال فدراسیون له مشر، ښاغلي جُی سېنګال سره د کونړ زلزله ځپلو ته په غوره او اغیزمن شکل د بشري مرستو د چمتو کولو او تنظيم په موخه مشورتي ناسته وکړه.
ناسته کې پرېکړه وشوه، چې د کونړ زلزله ځپلو ته بشري مرستې باید د هغوی اړتیاوو ته په کتو برابرې شي، څو د زیانمنو شوو کورنیو ستونزې ژر تر ژره را کمې او بېرته خپل عادي ژوند ته را وګرځي.
