د ځانګړې اونۍ پرانیست غونډې ته د چمتووالي په موخه د همغږۍ ناسته ترسره شوه
چهارشنبه، ۲۲ ربیع الآخر ۱۴۴۷
د افغاني سرې میاشتې د عمومي رئیس ښاغلي شیخ الحدیث شهاب الدین دلاور، د نوموړي مرستیال ښاغلي حافظ عزیز الرحمن او د سکرتر جنرال د عملیاتي مرستیال ښاغلي مولوي روح الله عبدالسلام او د ځینو مرکزي ریاستونو د مسؤلینو تر منځ د ځانګړې اونۍ د پرانیست غونډې د ښه ترسره کېدو په موخه د همغږۍ ناسته وشوه.
ناسته کې د غونډې پر اجنډا، رسنیز پوښښ او نورو مهمو موضوعاتو په اړه بحث او خبرې وشوې او اړوندو مسؤلینو ته سپارښتنه وشوه، څو د غونډې د نظم لپاره لازم چمتووالی ونیسي.
د یادونې وړ ده، چې ځانګړې اونۍ هر کال د افغاني سرې میاشتې د مالي سرچینو د پیاوړتیا په موخه د میزان له ۲۴ مې پیلیږي، چې تر یوې میاشتې دوام کوي.
