د پنجشېر ولایت په عنابه ولسوالۍ کې د افغاني سرې میاشتې له لوري ۶۰۰ کورنیو ته مرسته وویشل شوه!
د پنجشېر ولایت په عنابه ولسوالۍ کې نن د روان ۱۴۰۰ لمریز کال د مرغومي پر ۱۶مه د افغاني سرې میاشتې له لوري۶۰۰ اړمنو او جنګ ځپلو کورنیو ته اته قلمه خوراکي مرسته وویشل شوه. په یاده مرسته کې هرې کورنۍ ته ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او ۱ پاکټ BP5 بکسټ شامل دي..
د یادولو وړ ده، چې په یاده ولسوالۍ کې له وروستیو پېښو وروسته دا لومړی ځل و، چې له ټولو خیریه ټولنو لومړی د افغاني سرې میاشتې له لوري مرسته وویشل شوه.
له دې څو ورځې وړاندې افغاني سرې میاشتې په پریان ولسوالۍ کې ۶۰۰ کورنیو، په آبشار ولسوالۍ کې ۶۰۰ کورنیو ته او په رُخه ولسوالۍ کې هم ۶۰۰ کورنیو ته یاده مرسته ویشلې وه.
