د محرم په ۱۵ نیټه د سرې میاشتې سرپرست عمومی ریس او مرستیال ددې خیریه ټولنې د ملکیتونو د قراردادونو په تړاو له اړونده قراردادیانو سره ناسته وکړه
نن د محرم الحرام د میاشتې پر ۱۵مه، د افغاني سرې میاشتې سرپرست عمومي رئیس او مرستیال ددې خيریه ملي ټولنې د ملکیتونو د قراردادونو په تړاو له اړوندو قراردادیانو سره ناسته وکړه.
ناسته کې د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور په خپلو څرګندونو کې افغاني سره میاشت یوازینۍ خیریه ملي ټولنه وبلله، چې د بې سرپرستو، اړمنو او پېښځپلو هېوادوالو لاسنیوی کوي، نوموړي د افغاني سرې میاشتې د ملکيتونو له قراردادیانو وغوښتل، چې ژر تر ژره دې پاتې پورونه افغاني سرې میاشتې ته وسپاري، څو په خپل وخت د پېښځپلو او ناچاره هېوادوالو لاسنيوی وشي.
ښاغلي دلاور ټینګار وکړ چې هېڅ کله به د قراردادونو په نرخونو او پاتې پیسو کې تخفيف او کمښت رانه ولي، ځکه دا د يتيمانو، بې سرپرستو او کونډو حق دی او هېڅ لوری ددې حق د بښلو واک نه لري.
په پای کې د افغاني سرې میاشتې د ټولو ملکيتونو قراردادیانو ژمنه وکړه چې د افغاني سرې میاشتې پورونه به اداء کوي او دې برخه کې به خپلې هڅې ګړندۍ کوي.
