د مالي کړنلارې د ښوونیز ورکشاپ دایرول
نن دوشنبه د ۱۴۴۳سپوږمیز کال د ذوالحجې پر ۱۹مه د افغاني سرې میاشتې د شمال ختیځ زون کارکوونکو ته د مالي کړنلارې دوه ورځنۍ ښوونیز ورکشاپ د افغاني سرې میاشتې د روزونکو په واسطه او کاري شریکانو په ګډون دایر شو.
د دې ورکشاپ په پرانیسته کې د افغاني سرې میاشتې مالي رییس ښاغلي شبیراحمد عثماني ګډونکوونکو ته د ښه راغلاست ترڅنګ له هغوی غوښتنه وکړه چې د ورکشاپ اړوند موضوعاتو ته پاملرنه وکړي او پوره کټه ترې واخلي.
د دې ورکشاپ په اجنډا کې شامل موضوعات عبارت دي له: د مشارکت چوکاټ او دقیقه کتنه، د پیسو د لېږد طریقې، د دوراني سیستم تمویل، بیاځلې بشپړونه یا د مالي دوران بیا ورکړه ، د بودجوي پلان او فعالیتونو تائيد او پلي کول شامل دي.
