د زړه نوي روغتون لپاره د طبي وسایلو د چمتو کولو په موخه د داوطلبۍ ناسته وشوه
يکشنبه، ١٩ ربیعالآخر ۱۴۴۷
د افغاني سرې میاشتې اړوند د زړه روغتون لپاره د طبي وسایلو د چمتو کولو په پار د داوطلبۍ ناسته د عمومي رئیس ښاغلي شیخ الحدیث شهاب الدین دلاور په شتون کې ترسره شوه.
دغه ناسته چې د تهیې او تدارکاتو آمریت له لوري ترتیب شوې وه، موخه یې کابل کې د سرې میاشتې د زړه نوي جوړيدونکي روغتون ته د ۴ قلمه طبي وسایلو چمتو کول و.
داوطلبۍ کې ۳ سوداګريزو او لوژستیکي شرکتونو ګډون درلود، د اسنادو تر دقیقې ارزونې وروسته به د وسايلو چمتو کولو قرارداد د شرایطو له مخې ګټونکي شرکت ته ورکړل شي.
