د روژې مبارکې میاشتې د رارسیدو په مناسبت د افغاني سرې میاشتې ټولنې د مشرتابه پیغام!
د افغانستان مسلمان ملت او د نړۍ ټولو مسلمانانو په ځانګړي توګه د افغاني سرې میاشتې ټولنې کارکوونکو، رضاکارانو او غړو ته د روژې مبارکې میاشتې د را رسېدو په مناسبت د زړه له کومې مبارکي وایم.
د حضرت محمد (ص) د مبارکو ارشاداتو پر بنسټ د روژې مبارکه میاشت؛ د کال تر ټولو غوره میاشت ده، چې هر شېبه یې د نيکمرغۍ، مغفرت او تبرک څخه ډکه ده. له ټولو هیوادوالو مې هیله داده، ترڅو په دغه مبارکه میاشت کې ډیری وخت د نفس پر تذکیې، صدقې او اړمنو وګړو سره په مرسته او لاسنیوي ولګوﺉ.
یو ځل بیامو روژه مبارکه، نیکۍ او عبادتونه مو د الله ”ج“ په دربار کې قبول اوسه.
په درنښت
ډاکتر نیلاب مبارز
د افغاني سرې میاشتې ټولنې سرپرست ریسه
