د خوندیتوب او ساتنې ریاست د کارکوونکو د ظرفیت لوړونې په موخه درې ورځنی ورکشاپ دایر شو!
دوشنبه د روان ۱۴۴۳ سپوږمیز کال د شوال میاشتې پر ۲۳مه نېټه د افغاني سرې میاشتې د خوندیتوب او ساتنې ریاست د کارکوونکو د ظرفیت لوړونې په موخه درې ورځنی ورکشاپ په عملیاتي چارو کې د افغاني سرې میاشتې د سکرتر جنرال د مرستیال ښاغلي احمد خالد حامد او د خوندیتوب او ساتنې د ریاست د رییس ښاغلي ظهیرالله همدرد په شتون کې پرانیستل شو.
دا ورکشاپ د مرکزي دفتر د خوندیتوب او ساتنې ریاست د ۱۵ تنه کارکوونکو د ظرفیت لوړونې په پار په لاره اچول شوی، چې په ترڅ کې به یې په لاندې برخو کې ګډونوالو ته درې ورځنۍ روزنه ورکړل شي.
( د منلو څرنګوالی، د پېژندنې لارې، معلومات او پوهاوی، د رویې طریقه، د اړیکو ټینګول، خوندیتوب او ساتنه، د مصؤنیتي راپورونو د وړاندې کولو طریقې، د امنیتي ګواښونو د ارزونې لړۍ، د واټونو خوندیتوب، د ودانیو او مرستې رسونې د کاروان ساتنه او څارنه).
د یاد ورکشاپ پرانیسته په عملیاتي چارو کې د افغاني سرې میاشتې د سکرترجنرال ښاغلي احمد خالد حامد په وینا وشوه. نوموړي په خپلو خبروکې ګډونوالو ته د ښه راغلاست تر څنګ ووېل، دا ورکشاپ د افغاني سرې میاشتې ټولنې لپاره ډېر اړین دی، هیله مند یم چې د روزونکو له ترتیب شویو ښوونیزو توکو څخه به په پوره توګه ګټه پورته کړئ
