د افغاني سرې میاشتې ټولنې مرستیال په کابل کې د ترکیې هیواد د سرې میاشتې له استازی سره وکتل!
نن دو شنبه د روان ۱۴۰۰ لمریزکال د کب د میاشتې پر ۲۳ نېټه د افغاني سرې میاشتې ټولنې مرستیال ملا نورالدین ترابي په کابل کې د ترکیې هېواد د سرې میاشتې له استازي ښاغلي فرید ضیا سره د افغاني سرې میاشتې تولنې د حوادثو او نړیوالو اړیکو رییسانو به شتون کې د ۹۹۴ ټنه خوراکي اوغیر خوراکي مرستې د وېش او پلان په اړه، چې نن به د تور غونډۍ بندر له لارې هېواد ته را وړل شي او د افغاني سرې میاشتې ټولنې ته وسپارل شي په خپل کاری دفتر کې ولیدل. د افغاني سرې میاشتې ټولنې مرستیال محترم ملا نورالدین ترابي د مننې ترڅنګ د ترکیې هېواد د بشرپالو مرستو د وېش په اړه ډاډ ورکړ او ژمنه یې وکړه، چې یادې مرستې به ډېر ژر په شفاف ډول د هېواد په ۱۷ ولایتونو کې چې باقی ولایتونو کې بېوزلو کورنیو ته ووېشل شي
ښاغلي فرید ضیا د افغاني سرې میاشتې ټولنې له تیرو هڅو او همکاریو څخه مننه وکړه چې بشپړ شفافیت سره یې د مرستو په ویش کې مرسته کړیده.
همدا راز فرید ضیا زیاته کړه چې د ترکېې هیواد سره میاشت په پام کې لري چې د روژې په مبارکه میاشت کې به د افغاني سرې میاشتې ټولنې په مرسته هره ورځ له ۳۰۰ تر ۴۰۰ اړمنو کورنیو ته روژه ماتی چمتو او وويشي . همدا راز به د روژې په میاشت کې سربیره پر یادو مرستو له ۶۰۰ تر ۷۵۰ نورو اړمنو او بیوزله کورنیو ته د سرې میاشتې به له لارې د خوراکي توکو بستې هم وویشي
