د افغاني سرې میاشتې ټولنې سرپرست عمومي رییس د پاکستان سرې میاشتې له رییس سره لیدنه وکړه!
د روان ۱۴۰۰ لمريز کال د لېندۍ پر ۱۶مه نېټه، چې د ۱۴۴۳ سپوږمیز کال د جمادي الاول له ۲مې نېټې سره سمون لري؛ د افغاني سرې میاشتې ټولنې سرپرست عمومي رييس ښاغلي مولوي مطیع الحق خالص او ورسره پلاوي د پاکستان د سرې میاشتې له عمومي رییس ښاغلي ابرارالحق، مرستیال آصف باجوه او سکرتر جنرال ډاکتر عدیل نواز سره په اسلام اباد کې د پاکستان د سرې میاشتې په مرکزي دفتر کې لیدنه وکړه.
په یاده ناسته کې د هغو افغان ماشومانو په اړه دوه اړخیزې خبرې وشوې، چې زړونه یې سوري دي.
همدا ډول د پاکستان سرې میاشتې ټولنې د یو لړ نورو خیریه فعالیتونو ترڅنګ ژمنه وکړه، چې له افغاني سرې میاشتې ټولنې سره به د خوراکي توکو مرسته هم کوي.
