د افغاني سرې میاشتې ټولنې سرپرست عمومي رییس، په ملګرو ملتونو کې د ښځو پر وړاندې د تاوتریخوالي د چارو له ځانګړي استازې او د سیډا کمېسیون له غړې سره لیدنه ترسره کړه!
نن سه شنبه د روان ۱۴۰۱ لمریزکال د وري میاشتې پر ۲۳ مه، چې د ۱۴۴۳ کال د رمضان المبارک میاشتې له ۱۱ مې نېټې سره سمون لري د افغاني سرې میاشتې سرپرست رییس ښاغلي مولوي مطیع الحق خالص په ملګرو ملتونو کې د ښځو پر وړاندې د چارو له ځانګړې استازې مېرمن ریم السلیم او مېرمن بندانه رڼا د سیدا کمېسیون له غړې سره په خپل کاري دفتر کې ولیدل.
په دې لیدنه کې د افغاني سرې میاشتې سرپرست عمومي رییس د افغاني سره میاشتې په چوکاټ کې د مېرمنو د رول او فعالیتونو، په ځانګړې توګه د روغتیا، مرستون او رضاکارانو په اړه مالومات ورکړل، چې شاه او خوا ۲۵ سلنه مېرمنې د افغاني سره میاشتې په چارو کې فعالیت ترسره کوي.
نوموړي زیاته کړه، نړیواله ټولنه باید د ښار په شمول د ولایاتو لرو پرتو سیمو مېرمنو ته هم ډېره پاملرنه وکړي، ځکه د افغانستان مېرمنې د خپلو زامنو، خاوندانو او وروڼو د له لاسه ورکولو له امله ډېرې ستونځې ګالي او زیاتې پاملرنې ته اړتیا لري.
په مقابل کې په ملګرو ملتونو کې د ښځو پروړانډې د تاوتریخوالي د چارو ځانګړې استازې مېرمن ریم السلیم او مېرمن بندانه رڼا د سیدا کمېسیون غړې د افغاني سرې میاشتې ټولنې د سرپرست رییس له مثبتو اندونو او نظریاتو مننه وکړه. همدارنګه د افغاني سرې میاشتې ټولنې د سرپرست عمومي رییس له لوري ډاډ ورکړل شو، چې په افغاني سره میاشت کې به د مېرمنو رول د اسلام مبارک دین او افغاني کلتور سره سم په پام کې نیول کېږي.
