د افغاني سرې میاشتې ټولنې سرپرست رییس په ترکیه کې د نړیوال سازمان د انسان جوړونې د مؤسسې له رییس ښاغلي شیخ عبدالحلیم سره لیدنه ترسره کړه!
په دې لیدنه کې د روژه ماتي د بلنې ترڅنګ د نړیوال سازمان د انسان جوړونې مؤسسې IID رییس د افغاني سرې میاشتې ټولنې سرپرست رییس او مل پلاوي ته د ښه راغلاست ویلو ورسته د افغانانو په شته ستونزو خبرې وکړې او ژمنه یې وکړه، چې خپلې مرستې به د افغاني سرې میاشتې ټولنې له لارې پر اړمنو او بېوزله افغانانو وېشي.
په مقابل کې د افغاني سرې میاشتې سرپرست رییس د یادې مؤسسې له رییس څخه مننه وکړه او ډاډ ورکړ، چې افغاني سره میاشت اړمنو کورنیو ته ستاسو د مرستو په رسولو کې هر ډول مرستې او ګډې همکارۍ ته چمتو ده.
