د افغاني سرې میاشتې مرستیال ښاغلي ملا نورالدین ترابي زابل ولایت کې د افغاني سرې میاشتي له څانګې لیدنه وکړه!
نن پنجشنبه د روان ۱۴۰۱ لمریز کال د وري میاشتې پر ۴مه نېټه د افغاني سرې میاشتې مرستیال ښاغلي ملا نور الدین ترابي د زابل ولایت د سرې میاشتې د بېلابېلو څانگو او په یاد ولایت کې د سرې میاشتې له ثابتو او ګرځنده کلینیکونو لیدنه وکړه؛ ورپسې یې د ځوانانو او رضاکارانو د روزنیز کلوپ د زده کړو له بهیر له نژدې لیدنه وکړه. نوموړي د ګودامونو او روغتیایي او خوراکي توکو د منظم او پاک ساتلو او د یاد ولایت د کارونو په ښه ډول په ترسره کېدو خوښي څرګنده کړه.
همدا راز ښاغلي ملا نورالدین ترابي د شته ستونزو د حل په موخه لازمې سپارښتنې وکړې او ژمنه یې ورکړه، چې د یاد ولایت د بېلابېلو برخو ستونزې به ډېر ژر حل کړو.
د افغاني سرې میاشتې ټولنې مرستیال ملا نورالدین ترابي د یاد ریاست کارکوونکي د غوره وظیفوي خدمت په ترسره کولو تقدیر او د نغدي تقدیر او بخششۍ ژمنه یې ورسره وکړه.
