د افغاني سرې میاشتې مرستیال ملا نورالدین ترابي افغانستان کې د نړیوال غورځنګ له مشر سره لیدنه ترسره کړه!
نن د یکشنبې په ورځ د ذوالقعدې پر ۲۳مه د افغاني سرې میاشتې مرستیال الحاج ملا نورالدین ترابي افغانستان کې د نړیوال غورځنګ له مشر نیسفوړ سره په خپل کاري دفتر کې ناسته ترسره کړه.
د ناستې پر مهال الحاج ملا نورالدین ترابي وویل دوی غواړي د مرستو په ویش کې بیړه وشي او د ښاري سیمو په پرتله په کلیوالي سیمو کې ډېرې مرستې وویشي. نوموړي وویل د قراردادیانو په اړه شته ستونزې دې زر حل شي او اخیستل شوي توکي دې په ګودامونو کې ډېر نه ساتل کېږي.
په ناسته کې دواړو لوریو هوکړه وکړه، چې له دې وروسته دې د خوراکي او غیر خوراکی توکو پر ځای نغدي مرسته ویشل زیات شي، ځکه په دې سره به د توکو د رسولو په لاره کې پراته خنډونه شتون ونه لري.
افغانستان کې د نړیوال فدراسیون مشر نیسفوړ ژمنه وکړه، چې ډېر زر به د افغانستان په بازارونو کې ۲۶۰۰۰ کورنیو ته مرسته وپیري او د ویش لړۍ به یې پیل شي.
