د افغاني سرې میاشتې مرستیال د نړیوال فدراسیون د آسیا څانګې له مسئول سره وکتل!
د افغاني سرې میاشتې مرستیال د نړیوال فدراسیون د آسیا څانګې له مسئول سره وکتل!
نن شنبه د رجب د میاشتې پر ۱۷مه، د افغاني سرې میاشتې مرستیال ښاغلي حافظ عزیز الرحمن د نړیوال فدراسیون د آسیا څانګې له مسئول ښاغلي الکساندر متیو، په افغانستان کې د نړیوال فدراسیون له مسئول ښاغلي نېسېفور مګینډي او مل پلاوي سره د یو لړ موضوعاتو په موخه لیدنه وکړه.
ناسته کې د افغاني سرې میاشتې مرستیال دوی ته تر ښه راغلاست ویلو وروسته د افغاني سرې میاشتې د خدماتو او بشرپالو فعاليتونو په تړاو د هر اړخيزو او تفصیلي معلوماتو د وړاندې کولو ترڅنګ د نړیوال فدراسیون له لوري د شویو مرستو مننه وکړه او زیاته یې کړه چې "مونږ ستاسې مرستې په پوره شفافیت تر اړمنو، پېښځپلو او بې سرپرسته وګړو رسولي او هیله مو ده، څو راتلونکې کې له افغاني سرې میاشتې سره خپلې بشري مرستې لا پراخې او چټکې کړئ.
ورپسې ښاغلي متيو په خپلو خبرو کې د افغاني سرې میاشتې خدمات وستایل او زیاته یې کړه، چې نړیوال فدراسیون هڅه کوي څو په افغانستان کې د خلکو اقتصادي کچه پورته او د غربت کچه راښکته شي او له افغاني سرې میاشتې سره په هره برخه کې خپلې مرستې جاري وساتي.
