د افغاني سرې میاشتې عمومي سرپرست ریس ښاغلي شهاب الدین دلاور او مرستیال حافظ عزیزالرحمن د ترکیې د سرې میاشتې له ریس ښاغلي جنګ اونال سره وکتل

نن چهارشنبه د محرم الحرام د میاشتې پر ۱۸ مه، د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور او د نوموړي مرستیال په خپل کاري دفتر کې په کابل کې د ترکیې هېواد له شارژدافیر ښاغلي جنګ اونال او مل پلاوي سره لیدنه وکړه.
د لیدنې په پیل کې د افغاني سرې میاشتې سرپرست عمومي رئيس په افغانستان کې د ترکيې شارژدافير ښاغلي جنګ اونال او مل پلاوي ته ښه راغلاست ووايه او د دواړو هېوادونو ترمنځ یې اړیکې د اسلامي ورورولۍ له مخې تاریخي وبللې او له افغاني سرې میاشتې سره یې د ترکیې د سرې میاشتې له هر اړخيزو همکاریو مننه وکړه. ښاغلي دلاور په افغانستان کې د ترکیې هېواد شارژدافیر ته ډاډ ورکړ چې د دوی له لوري افغاني سرې میاشتې سره کېدونکې مرستې به په بشپړ شفافیت تر اړمنو او مستحقو کورنيو رسوي.
ورپسې ښاغلي جنګ اونال په خپلو خبرو کې وويل: ترکیه او افغانستان په خپل منځ کې ښې اړیکې لري او مونږ هڅه کوو، څو په راتلونکي کې دې اړیکو ته لا پراختیا ورکړو، نوموړي ژمنه وکړه، چې د یو او بل ملاتړ ته به دوام ورکوي او افغاني سرې میاشتې سره په هره برخه کې همکاريو ته چمتو دي.